Në Kosovë zbulojnë mesazhin e Salihit

Futboll

Në Kosovë zbulojnë mesazhin e Salihit

Më: 23 mars 2021 Në ora: 12:19
Në Kosovë zbulojnë mesazhin e Salihit

Në Kosovë zbulojnë mesazhin e Salihit dërguar talentit që po shkëlqen në Bundesligë!

Elvis Rexhbecaj, është talenti shqiptar që po shkëlqen në Bundesligën gjermane me fanellën e Këlnit. 23-vjeçari në pronësi të Volfsburgut, është shndërruar në një nga dëshirat më të mëdha të Kombëtares shqiptare, teksa po bëhet çmos për ta joshur, që të veshë fanellën kuqezi.

Së fundmi, mediat kosovare kanë zbuluar se ndihmësi i Edi Rejës, Hamdi Salihi, tentoi afrimin e Rexhbecajt, duke i dërguar një mesazh, por që mori refuzimin e përkohshëm të mesfushorit, i cili ëndërron kombëtaren e Gjermanisë.

“Jam Hamdi Salihi dhe jam pjesë e Kombëtares Shqiptare. Kemi kontaktuar edhe më herët bashkë. Trajneri Reja më kërkoi që të kontaktoja edhe njëherë me ty dhe shpreh dëshirën që të vish te Kombëtarja jonë.

Bashkë me Rejën kemi dëshirën që të vimë në një datë në Gjermani, që të takojmë ty dhe babain tënd dhe që tregojmë projektin. Ke ndeshje që mund të tregosh veten kundër Anglisë, mund të rritesh më shumë te ne”, ishte mesazhi i dërguar nga Salihi për Rexhbecajn, zbuloi gazetari, Arlind Sadiku.

commentFirst article
Sot mund të lexoni Shfletoni kopertinat