Kthimi me përfaqësuesen suedeze bëri bujë në botën e futbollit. Pas pesë vitesh mungesë, Zlatan Ibrahimovic provoi edhe një herë kënaqësinë e të luajturit me kombëtaret.
Pasues vendimtar në golin e Claesson që i dha fitoren Suedisë kundër Gjeorgjisë, Ibra u bë menjëherë protagonist me përfaqësuesen skandinave.
Ish presidenti i Bayern Munchen, Uli Hoeness foli në kthimin e Ibra të enjten në mbrëmje. Në të njëjtën kohë, ish-drejtuesi pranoi se Bayern ishte përpjekur të transferonte futbollistin e Milanit në skuadër.
"Ai është një lojtar i shkëlqyer, por kërkesat e tij për pagë ishin “hyjnore”. Ne ishim të interesuar një herë, por nuk shkuam deri në fund, ” tha Hoeness në një intervistë për RTL Gjermani.
Ai nuk specifikoi kur kishin ndodhur bisedimet midis dy palëve.
