Arsenali u është bashkuar rivalëve të Chelseat, Tottenhamit dhe Manchester Unitedit në ndjekjen e sulmuesit të Juventusit, Paulo Dybala.
Sulmuesi argjentinas ende nuk ka rënë dakord për një kontratë të re, me Juven që i ka dhënë ultimatum me ofertën e tyre përfundimtare “merre ose leje”.
Marrëveshja e tij skadon në qershor të 2022, kështu që një shitje gjatë verës tani duket pothuajse e garantuar dhe Liga Premier është destinacion i mundshëm.
Manchester United ka kohë që është lidhur me ‘La Joyan’, ndërsa Chelsea dhe Tottenham Hotspur janë gjithashtu të interesuar.
Sipas gazetës The Sun, tani edhe Arsenali është gjithashtu i gatshëm të bëjë një ofertë për Dybalan nëse nuk janë në gjendje të mbajnë Martin Odegaardit sapo të skadojë periudha e huazimit nga Real Madridi.
Dybala ka shënuar tre gola dhe ka dhënë dy asistime këtë sezon, por arriti vetëm 16 paraqitje konkurruese për shkak të lëndimeve dhe infektimit me coronavirus.
