Përfaqësuesja e Kosovës e ka nisur me humbje aventurën në kualifikimet për Kampionatin Botëror “Katar 2022”.
“Dardanët” pësuan disfatë në ndeshjen e parë kundër Suedisë me rezultat 0:3 në stadiumin “Fadil Vokrri” në Prishtinë.
Sulmuesi i Përfaqësueses së Kosovës, Milot Rashica ka thënë se i vjen keq për golat e pësuar, derisa ka shtuar se rezultati nuk ka qenë real.
“Jemi të zhgënjyer me rezultatin. Më vjen për golat që i pësuam dhe rezultati nuk ka qenë real. Nuk kemi se çka të bëjmë vetëm të mendojmë për ndeshjen e radhës", ka thënë Milot Rashica pas ndeshjes për Supersport Kosova.
"Nëse do të shënonim në pjesën e parë, gjithçka do të ishte ndryshe".
"Te penalltia nuk e kam parë mirë topin. Kërceva pak me.duar dhe ndodhi penalltia", deklaroi Rashica.
