Mesfushori i Real Madridit, Toni Kroos, pritet të pensionohet nga Kombëtarja e Gjermanisë këtë vit, pas përfundimit të Kampionatit Evropian 2020.
Trajneri i Gjermanisë Joachim Low njoftoi se do të largohet nga Kombëtarja gjermane pas Euro 2020 në verë dhe duket se Kroos do t’i ndjekë hapat e tij.
Kroos i ka zhvilluar 101 ndeshje për ekipin kombëtar gjerman, duke i shënuar 17 gola.
Ai e fitoi Kupën e Botës më 2014 kur Gjermania e mposhti Argjentinën në finale.
Si pas gazetës gjermane Bild, Kroos do të pensionohet nga kombëtarja menjëherë pas garës së kësaj vere.
Synimi i 31-vjeçarit është të përqendrohet plotësisht në Real Madridin, klubin me të cilin ka kontratë deri në verën e vitit 2023.
