Xhenaro Gatuzo ka pasur shumë ulje ngritje këtë sezon te Napoli dhe e ardhmja me shumë mundësi nuk do e gjejë në pankinën e kaltër.
Te Napoli kanë nisur prej kohësh të studiojnë profilet e duhura të kandidatëve për të marrë drejtimin e skuadrës. “Radio Kiss Kiss“ ka nxjerrë së fundmi Simone Inzagin si alternativën që po pëlqehet në Napoli.
Por duket se nuk është i vetmi që kërkojnë të rrëmbejnë nga kryeqyteti.
Emri i Igli Tares ngacmon imagjinatën e presidentit De Laurentis, i cili e sheh si zëvendësuesin e Guintolit në rolin e drejtorit sportiv.
Kështu Napoli kërkon dyshen që i ka sjellë një sukses të madh Lacios në vitet e fundit, megjithëse mbetet për tu parë nëse diçka e tillë do të realizohet.
