Janë ditë të tmerrshme për Lucas Torreira. Ish-mesfushori i Sampdoria dhe Arsenal, aktualisht te Atletico Madrid, ka humbur nënën e tij, e cila vdiq për shkak të Covid.
Futbollisti uruguajan është kthyer në vendlindjen e tij për të qenë afër familjes së tij në këtë moment të vështirë.
Vajtimi preku thellësisht Torreira i cili në një intervistë deklaroi se i kishte komunikuar agjentit të tij se ai nuk dëshironte më të luante në Evropë.
“Mora agjentin tim sapo më vdiq nëna dhe i thashë më hiq nga Europa. Nuk dua të luaj më këtu, paratë nuk janë gjithçka. Ka disa gjëra më të rëndësishme në jetë dhe dua të luaj te Boca Juniors”.
Lucas Torreira ishte shumë i afërt me nënën e tij. Futbollisti i Amerikës së Jugut shpesh dhe me dëshirë postonte imazhe në rrjetet e tij sociale në shoqërinë nënës së tij, së cilës i kishte kushtuar edhe një tatuazh në pulpën e tij.
Vdekja e zonjës Torreira pas disa ditësh shtrimi në spital në kujdesin intensiv në Salto për Covid, tronditi mesfushorin që u kthye në Amerikën e Jugut për t’u ribashkuar me familjen e tij.
Në një intervistë me mikrofonët ESPN Argjentinë, Torreira tha “Unë jam duke u përpjekur të kaloj këtë situatë, është e vështirë të kuptoj që nëna ime nuk do të jetë më me ne, por me kalimin e kohës ne do të mësojmë të jetojmë me këtë dhimbje.
Ajo vdiq nga Covid- 19, kalova njëmbëdhjetë ditë me familjen time në vështirësi deri të hënën e kaluar, kur mora telefonatën duke më thënë se nëna ime kishte humbur jetën”.
Lojtari në pronësi të Atletico Madrid por i huazuar te Arsenali ka marrë lejen e klubeve për të qëndruar edhe disa ditë në shtëpi.
Një qëndrim që Torreira do të dëshironte ta zgjaste për një kohë të gjatë.
Për agjentin e tij, mesfushori zbuloi se ai nuk dëshiron më të kthehet në Evropë dhe se ai ëndërron të luajë për Boca Juniors, gjithashtu për të qenë më pranë familjes: “Po vdes të luaj për Boca Juniors”.
Torreira, i cili nuk arriti të përsëriste paraqitjet e shkëlqyera të Sampdoria midis Atletico dhe Arsenal, ka mesazh të qarte:
“Nëse agjenti im e sheh këtë intervistë, ai do të më vrasë sepse më thotë të mos them asgjë”.
