​U fjalos me gjyqtarin, ky pritet të jetë dënimi për Zlatan Ibrahimoviç

Futboll

​U fjalos me gjyqtarin, ky pritet të jetë dënimi për Zlatan Ibrahimoviç

Më: 12 prill 2021 Në ora: 12:00
Zlatan Ibrahimoviç

Sulmuesi i Milanit Zlatan Ibrahimoviç mund të dënohet me një ndeshje mos-lojë pas kartonit të kuq gjatë fitores 3-1 ndaj Parmas të shtunën.

Veterani u përfshi në dy golat e pjesës së parë, para se të përjashtohej nga loja pas një përplasjeje me gjyqtarin kryesor të ndeshjes.

39-vjeçari i tha diçka arbitrit dhe mori një karton të kuq nga Fabio Maresca, përcjellë KosovaPress.

“Tuttosport” pretendon se ai mund të shpëtojë me vetëm një ndeshje ndalim, por e vetmja mundësi për të anuluar plotësisht kartonin e kuq do të ishte pranimi i gabimit nga gjyqtari në raportin dërguar Gjykatësit Sportiv.

Sulmuesi suedez pritet të apelojë për kartonin e kuq, pasi ai beson se gjyqtari e keqkuptoi fjalën e tij.

Milani mori tre pikë pavarësisht kartonit të kuq dhe është në vendin e dytë në Serie A, një pikë përpara Juventusit, që siguroi një fitore 3-1 ndaj Genoas.

commentFirst article
Sot mund të lexoni Shfletoni kopertinat