Edon Zhegrova ka zënë vend në formacionin e javës në kampionatin zviceran.
Yllit nga Kosova iu shpërblye paraqitja e shkëlqyeshme që e bëri fundjavën që shkoi për Baselin.
Në fakt, 22 vjeçari i realizoi dy gola në fitoren e ekipit të tij ndaj Luzernit me rezultat 4:3, me ç’rast ishte shpallur edhe lojtari i ndeshjes.
Përfaqësuesi i Kosovës shënoi fillimisht në minutën e 18-të dhe më pas në atë të 22-të.
Futbollisti i krahut luajti 67 minuta, ndërsa ia lëshoi vendin Aldo Kalulut.
Në këtë ndeshje për Baselin luajti edhe Amir Abrashi, ndërsa në pjesën e dytë u inkuadrua Pajtim Kasami.
E te Luzerni u paraqit Lorik Emini.
Ky në fakt ishte goli i katërt sezonal në Superligën zvicerane për Zhegrovën, i cili i ka njëkohësisht edhe katër asistime në 24 ndeshje të zhvilluara.
