Fikayo Tomori është bashkuar me Milanin në janarin e këtij viti si huazim nga Chelsea.
Mbrojtësi i talentuar anglez ka bindur të gjithë në Milano me paraqitjet e tij.
Kësisoj trajneri Stefano Pioli i ka bërë të qartë drejtuesve të klubit se e dëshiron mbrojtësin edhe edicionin e ardhshëm në klub.
Milani tanimë ka nisur bisedimet me Chelsean, pasi po dëshiron ta kompletojë transferimin e përhershëm të tij.
Tomori iu bashkua Milanit në huazim me të drejtë blerjeje për shifrën e 28 milionë eurove, një shumë e konsiderueshme për një klub me buxhet të limituar, por Paolo Maldini i ka premtuar Piolit se do të bëjë maksimumin për të mbajtur në Milano mbrojtësin 23-vjeçar.
Për të kompletuar blerjen e Tomorit, Milani do të duhet të mbetet në katër vendet e para, që të sigurojë pjesëmarrjen në Ligën e Kampionëve.
23-vjeçari me fanellën e Milanit ka luajtur në 14 ndeshje, duke shfaqur formë të lartë./Telegrafi/
