Real Madrid ka mbërritur në gjysmëfinalen e Champions për të tetën herë nga 10 të fundit.
Ekipi i udhëhequr nga trajneri Zinedine Zidane u mjaftua me një barazim 0-0 ndaj Liverpool, teksa kishte fituar në sfidën e parë 3:1.
Vlerësime të shumtë ka marrë tekniku francez duke qenë se ekipi kishte mungesa të shumta. Një nga ata që ka folur me elozhe për Zidan, ka qenë Fabio Capello, i cili shprehet se ai di t’iu marrë maksimumin të gjithëve.
“Zidane i ka transformuar të rinjtë, me këtë përulësi dhe pa publik, duhet të jenë të vëmendshëm ndaj këtij Real Madridi. Zidan tregon edhe njëherë se është një trajner i aftë të marrë maksimumin nga futbollistët e tij. Këtë rol, të liderit, ai e ka të lindur. Reali është një miks kualitetesh dhe të mendosh se i mungojnë shumë futbollistë”, u shpreh Capello.
