Kastriot Imeri është duke shkëlqyer në futbollin zviceran me fanellën e Servettes.
Mesfushori i talentuar nga Kosova ka shkëlqyer edhe në javën e fundit në kampionatin zviceran, ku ka shënuar një gol fantastik.
Imeri realizoi një super gol nga distanca në fitoren që skuadra e tij Servette e mori në udhëtim te Zurichu 1-2.
Falë paraqitjes fantastike në fundjavën e kaluar, Imeri është shpallur edhe futbollisti i javës nga Federata e futbollit të Zvicrës.
20-vjeçari këtë edicion ka zhvilluar 26 ndeshje me Servetten, ku ka të shënuar tre gola dhe ka asituar në dy të tjerë.
