Reprezentuesi i Kosovës, Milot Rashica, bëri paraqitje të mirë për Werder Bremenin, por nuk i mjaftoi goli i tij që të nxjerrin rezultat të favorshëm nga stadiumi “Signal Iduna Park” në Dortmund.
Dortmundi ka shënuar fitore me rezultat 4:1 ndaj Werderit.
Rashica e hapi serinë e golave në minutën e 14-të duke shënuar nga një pozitë e vështirë, por vendasit kundërpërgjigjen shpejt dhe shënojnë tri herë në pjesën e parë përmes futbollistëve Reyna (29'), Haaland (34' e 38') dhe në pjesën e dytë Hummels (87’).
Pas javës së 29-të në Bundesliga I, Dortmundi zë pozitën e pestë me 49 pikë dhe Werderi është i 13-ti me 30 sosh.
