Presioni i tifozëve jep efekt?

Futboll

Presioni i tifozëve jep efekt?

Më: 20 prill 2021 Në ora: 19:50
Presioni i tifozëve jep efekt?

Superliga europiane sapo ka lindur, por në fare pak kohë ka provokuar një tërmet të madh.

12 klubet themeluese kanë firmosur për fillimin e kompeticionit që mund të nisë në Gusht, ndërsa UEFA i kërcënon me përjashtime nga çdo kompeticion i saj, madje me aprovimin e federatave përkatëse, i përjashton edhe nga kampionatet kombëtare, ndërsa lojtarët e klubeve pjesëmarrës në Superligë, rrezikojnë të mos luajnë as në Europian e as në botëror.

E gjithë kjo lëkundje e madhe duket se ka bërë dy klube që ta rimendojnë përfshirjen në këtë ligë.

Mediat në Britaninë e madhe raportojnë se dy nga 6 klubet angleze që kanë firmosur për Superligën, nuk janë dakord me mënyrën se si po menaxhohet kjo situatë dhe po e mendojnë edhe tërheqjen e menjëhershme nga pjesëmarrja në këtë event.

Emrat e klubeve nuk bëhen të ditur, por shkruhet se janë dy klube të vjetra angleze. Ndërkohë që gjithashtu raportohet se një klub i tretë anglez është revoltuar me drejtuesit e Liverpoolit dhe Manchester United, dhe pretendon se është gënjyer për t’u bërë pjesë e Superligës.

Ndërkohë britanikja “The Times” raporton se në një nga klubet angleze po mbahen mbledhje të vazhdueshme dhe pritet të dilet zyrtarisht me deklaratë për tërheqjen, pasi presioni i tifozëve ka qenë vërtetë i madh. Është vetëm fillimi, por të kenë nisur që tani krisjet në Superligën europiane?!

Shfaq komentet
comments powered by Disqus
Sot mund të lexoni Shfletoni kopertinat