Zlatan Ibrahimovic festoi nënshkrimin e një kontrate të re me Milanin duke deklaruar se ky klub është si shtëpia ime dhe se nëse do të mundte të qëndroj këtu për gjithë jetën, me kënaqësi do ta bënte.
39-vjeçari ka nënshkruar një kontratë të re në këtë mbrëmje, e cila do të mbajë atë në klub përtej tij ditëlindjes së 40-të, apo më saktë deri në qershor të 2022.
Pas rinovimit, Ibrahimovic është parë shumë i lumtur duke thënë se po të ishte në dorën e tij, do të qëndronte gjithë jetën te Milani.
“Ndihem shumë i lumtur. Kam pritur për këtë ditë dhe tani kam një tjetër vit, i cili është ai që është me të vërtetë i rëndësishëm për mua”, ka thënë fillimisht Ibrahimovic për Milan TV.
“Gjithmonë kam thënë, të luash për Milanin është si të jesh në shtëpi. Ndihem kaq i lumtur, më pëlqen mënyra se si klubi më bën të ndihem, të gjithë njerëzit që punojnë këtu, kolegët e mi, trajneri, tifozët që më mungojnë vërtet në stadium”.
“Kjo me të vërtetë është si shtëpia ime. Nëse mund të qëndroj këtu për gjithë jetën, me kënaqësi do ta bëj”.
Ibrahimovic rezervoi gjithashtu fjalë lavdërimi për trajnerin Stefano Pioli.
“Të punosh me Piolin është me të vërtetë e lehtë, ai ka mentalitetin e duhur. Çdo ditë ai ka këtë energji që transformon ekipin dhe ai dëshiron më të mirën prej nesh”, përfundoi suedezi.
