Ibra: E dua ndjesinë që më bën ky klub të ndjejë

Futboll

Ibra: E dua ndjesinë që më bën ky klub të ndjejë

Më: 23 prill 2021 Në ora: 11:28
Ibra: E dua ndjesinë që më bën ky klub të ndjejë

Gjatë ditës së djeshme (e enjte), Zlatan Ibrahimovic ka rinovuar kontratën me klubin e Milanit deri në qershor të 2022.

Sulmuesi 39 vjeçar është shprehur pas rinovimit se ndjehet sikurse në shtëpi dhe do të qëndronte aty gjatë gjithë jetës së tij.

“Ndjehem shumë i lumtur. Kam pritur për këtë ditë dhe tani do të jem këtu edhe për një vi tjetër, gjë që është shumë e rëndësishme për mua”, ka thënë ai për Milan TV.

“Gjithmonë e kam thënë se të luaj për Milanin është sikurse të jesh në shtëpi. Jam shumë i lumtur. E dua ndjesinë që më bën ky klub të ndjejë, të gjithë njerëzit me të cilët punojmë bashkë, kolegët e mijë, trajneri dhe tifozët të cilët më mungojnë shumë në tribunat e stadiumit”, vazhdoi ai tutje.

Ibrahimovic ka thënë disa fjalë edhe për trajnerin e tij, Stefano Pioli: “Të punosh me të është shumë e lehtë, ai ka menalitetin e duhur. Çdo ditë e transformon energjinë e tij te skuadra dhe na jep më të mirën neve”, përfundoi ylli i Suedisë.

Shfaq komentet
comments powered by Disqus
Sot mund të lexoni Shfletoni kopertinat