Pak minuta më parë ka përfunduar derbi ndërmjet KF Dritës dhe KF Prishtinës, të cilën skuadra prishtinase e fitoi me rezultat 1:2, në kuadër të Superligës së Kosovës, raporton Insporti.
Me të përfunduar ndeshja, në njoftimin e klubit gjilanas në faqën zyrtare të klubit se janë mposhtur nga Prishtina, tifozët e Dritës kanë vërshuar me komente.Në mbi 100 komente të bëra për pak minuta, Drita është akuzuar nga tifozët e klubit të saj për kurdisje të ndeshjes.
Një tifoz madje ka akuzuar direkt kryesinë e skuadrës kampione, duke i quajtur kriminela të futbollit.Një tjetër, ka akuzuar mesfushorin e Dritës, Bujar Shabanin se ka bërë faulla me qëllim në afërsi të zonës.
Ndërsa, në komentet tjerë thuhet se fituesi I kësaj ndeshjes është ditur para se të zhvillohej.Në javët e fundit tifozë të shumtë të Superligës janë të pa kënaqur për shkak të kurdisjeve së ndeshjeve dhe aleancave ndërmjet klubeve.Drita me këtë humbje renditet në pozitën e dytë me 64 pikë, një më shumë se Prishtina në pozitën e tretë me 63 sosh. Në pozitën e parë është Ballkani me 64 pikë.
