Sot u zhvillua ndeshja hapëse e xhiros së 31-të të Superligës.
Klubi Futbollistik “Arbëria” ka arritur fitore të madhe në udhëtim në Drenas kundër Feronikelit.
Golin e vetëm në ndeshje e realizoi Kreshnik Bahtiri i cili u asistua Për mrekulli nga Agon Llugiqi.
Pas ndeshjes është deklaruar edhe ndihmës-trajneri i Arbërisë, Ali Osmani.
“E arritëm fitoren e madhe sot edhe pse nuk e kemi pritë. I përgëzojë të gjithë futbollistët për angazhimin e bërë. Sipas kësaj loje dhe kësaj fitore besoj që në fund Arbëria do të mbetet në Superligë”, tha Osmani.
Arbëria ndodhet edhe më tutje në zonën e rrezikshme në vendin e nëntë me 33 pikë të mbledhura, kurse Feronikeli rrezikon seriozisht mbijetesën pasi që ka vetëm dy pikë më shumë se Arbëria.
