Pau Torres drejt transferimit në Angli!
Villarreali po bën një sezon shumë të mire dhe ka shanse të shkojë deri në finalen e Europa League dhe një nga protagonistët e skuadrës është padyshim, Pau Torres.
Mbrojtësi 24-vjeçar ka shkëlqyer aq sa ekipet e mëdha të Europës kanë nisur një betejë për ta marrë në verë dhe përballë ofertave deri në 50 milionë euro.
Villarreal nuk mund të bëjë asgjë. Liverpool, Man. United, Juventus dhe Real Madrid janë në gjurmët e mbrojtësit spanjoll, i cili preferon të qëndrojë në Spanjë, por 50 mln Euro janë shumë për Florentino Perez ndaj dhe e ardhmja e tij pritet të jetë në Premier League.
