Kapiteni i Kombëtares së Shqipërisë, Elseid Hysaj është në fund të kontratës me Napolin dhe ende nuk ka vendosur për të ardhmen e tij, me spekulime të vazhdueshme për klubin e tij të ardhshëm.
Hysajt nuk i është ofruar ende një rinovim nga Napoli, përkundër dëshirës së trajnerit Genaro Gatusso për ta mbajtur në skuadër.
Media spanjolle “Todo Fichajes” raporton se drejtuesit e Realit janë në kërkim të një mbrojtësi të djathtë dhe është zgjedhur pikërisht Elseid Hysaj për atë repart.
Dëmtimet e shpeshta të Carvajal dhe forma jo shumë e mirë që ka treguar Odriozola, kanë bërë që spanjollët të hidhen në afatin kalimtar për një mbrojtës dhe Hysaj shihet si alternativa e duhur, gjithnjë sipas medias në fjalë.
Ndërsa, mediet italiane kanë raportuar se Hysaj është në mes të Romës dhe Milanit.
Reprezentuesi shqiptar në Napoli ishte transferuar nga Empoli.
