Drejtuesit e Manchester United janë të gatshëm që të paguajnë 90 milionë për Harry Kane-n pas protestave të së dielës.
Të dielën, fansat pushtuan fushën me banerat “Glazers jashtë”, duke kërkuar largimin e drejtuesve të klubit.
Kjo bëri që edhe ndeshja e planifikuar mes United dhe Liverpool të shtyhet për një ditë tjetër.
Edhe pse është shumë e vështirë, Glazers do të tentojnë që të fitojnë përsëri besimin e tifozëve.
Njëra nga idetë, është që të sjellin një sulmuesit të klasit botëror nën dispozicion të trajnerit Ole Gunnar Solskjaer.
Sulmuesi i Tottenham-it, Harry Kane, është kryesues në listën e dëshirave të familjes Glazers.
27-vjeçari anglez ka shprehur dëshirën për t’u larguar nga gjelat nëse klubi nuk arrin kualifikimin në Champions.
Me Spurs-at që kanë nevojë të shesin, kjo lëvizje duket e mundur.
Por, shefi i londinezëve, Daniel Levy, më parë ka thënë që është shumë e vështirë ta shes yllin e klubit te një ekip tjetër në Premier League.
Por, me ofertën e United-it që pritet të jetë mbi 90 milionë euro, mendja e Levy-t mund të ndryshojë shumë lehtë.
Kane ka shënuar 31 gola dhe ka dhuruar 16 asiste këtë sezon, duke qenë një ndër futbollistët me statistikat më të mira në botë.
