Ole Gunnar Solskjaer lavdëroi Edinson Cavanin dhe David de Gea pas kualifikimit të Manchester United në finale të Ligës së Evropës.
Rezultati i përgjithshëm i kësaj ndeshje ishte 8-5, pasi takimi i parë përfundoi 6-2 në të mirë të ‘Djajve të Kuq, ndërsa ndeshja e dytë u mbyll me fitore të Romës 3-2.
“Unë jam i zhgënjyer vetëm me një gjë, pranuam shumë gola dhe nuk u mbrojtëm siç duhet”, tha i pari i Man Utd.
Megjithatë, ai tregoi se gjëja kryesore për të është kualifikimi në finale. “Ne e dimë se duhet të luajmë më mirë se kjo por jemi këtu sepse kemi pasur një qendërsulmues i cili ka shënuar katër gola në dy ndeshje”.
“Edinson tregoi përsëri pse duam ta mbajmë atë në Old Trafford.”
Cavani, i cili është jashtë kontratës këtë verë, mori vëmendjen në shënimin e golave, por edhe de Gea bëri disa pritje të jashtëzakonshme.
“Davidi ishte jetik, ai ishte njeriu i ndeshjes për mua”, tha Solskjaer.
Ndeshja finale mes Manchester United dhe Villarreal do të zhvillohet më 26 maj..
