A do largohet nga klubi?

Futboll

A do largohet nga klubi?

Më: 9 maj 2021 Në ora: 12:19
A do largohet nga klubi?

Xhejdon Sanço nuk ka pasur një sezon shumë të mirë teksa ka vuajtur edhe problemet fizike, megjithatë askush nuk i vendos në dyshim aftësitë e tij teknike. Për britanikun ka kërkesa të shumta në merkato, ndërsa prej verës së kaluar ai është në fokusin e Mançester Junajtid.

Por, nëse prej çmimit të lartë në merkaton e kaluar Djajtë e Kuq nuk ia arritën ta transferonin, këtë herë me çmimin e tij që disi do të ulet prej performancave, Junajtid do të provojë sërish për Sançon.

Vetë futbollisti duket i hapur për një ndryshim të ambientit, ndërsa së fundmi është shprehur se nuk e di nëse do të largohet apo jo nga Dortmund.

“A do largohem nga klubi në verë? Nuk e di, nuk di asgjë për të ardhmen time. Për momentin jam i lumtur te Dortmund, e dua klubin. Më dhanë mundësitë e para si profesionist”, u shpreh lojtari i cili u tregua diplomatik në fjalët e tij, por që me siguri në Mançester do të ketë kaluar mesazhi dhe pritet që ata të provojnë një tjetër ofensivë për Sançon.

Shfaq komentet
comments powered by Disqus
Sot mund të lexoni Shfletoni kopertinat