Marcos Alonso ka pranuar se penalltia e gabuar nga Sergio Aguero i ka hapur rrugën fitores së Chelsea-t kundër Manchester City-t në kampionat.
Panenka e dështuar e argjentinasit ka ndihmuar londinezët të marrin një fitore 2-1 në Etihad Stadium, me golin e fitores që është shënuar pikërisht nga Alonso.
“Jemi ringjallur dhe kemi arritur të fitojmë. Kemi luajtur keq në pesë minutat e fundit, por mendoj se i kemi merituar tri pikët”, ka thënë spanjolli.
“Skuadra po bën një punë shumë të mirë dhe duhet të punojmë shumë sepse më e mira s’ka ardhur akoma”.