Salernitana ka fituar promovimin në Serie A, por presidenti i tyre Claudio Lotito duhet ta shesë klubin brenda 30 ditësh pasi është e ndaluar të zotërosh dy klube në rangun më të lartë të futbollit në Itali.
Skuadra e Fabrizio Castori ka fituar promovimin në Serie A për herë të parë pas 23 viteve pas një fitore 3-0 ndaj Pescaras të hënën.
Pronari Claudio Lotito, është gjithashtu president i skuadrës së Lazios në Serie A. Prandaj, ai duhet të shesë njërin nga klubet pasi është e ndaluar të zotërosh më shumë sesa një klub në elitën e futbollit italian.
Lotito pritet të shesë Salernitanan, por ai ka 30 ditë kohë për ta bërë këtë.Presidenti i Federatës Italiane të Futbollit, Gabriele Gravina ka konfirmuar që Lotito nuk ka alternativa tjetër përveç shitjes së klubit.
