Humbja e Manchester United ndaj Leicester në kampionat ngjalli debate të mëdha duke qenë se skuadra e drejtuar nga trajneri Ole Gunnar Solskjaer kishte bërë disa ndryshime në formacion.
Kjo pasi kalendari i “Djajve të kuq” është shumë i ngjeshur. Jurgen Klopp ka dalë në mbrojtje të kolegut të tij në lidhje me përzgjedhjen dhe ngre sërish zërin në lidhje me kalendarët dhe ngjeshjen e ndeshjeve.
“Formacioni i Manchester United ishte ai që unë prisja. Ata luajnë të dielën, të martën dhe të enjten.
Ky është një krim. Nuk është faji i Ole dhe i lojtarë të tij. Edhe unë do të kisha bërë të njëjtën gjë”, ka thënë Klopp mes të tjerash në konferencë.
