Roma mposhti ditën e djeshme Lacion në derbin e kryeqytetit.
Verdhekuqtë fituan ne rezultatin e pastër 2-0, ndërsa pjesë e sfidës prej minutës së 37 u bë edhe Marash Kumbulla, i cili zëvendësoi Ibanez të dëmtuar.
Mbrojtësi shqiptar tregoi një performancë të mirë, e kjo reflektohet edhe te notat nga Eurosport pas ndeshjes.
Kumbulla vlerësohet me notën 6.5, ndërsa theksohet se administroi mirë mbrojtjen.
Kumbulla, 6.5- “Administron mirë prapavijën dhe ndonjëherë ka dëshirën për të shkuar përpara”, ishte përshkrimi i Eurosport për Kumbullën.
