​Bundesliga gjermane, derbi mes RB Leipzig e Wolfsburg

Futboll

​Bundesliga gjermane, derbi mes RB Leipzig e Wolfsburg

Më: 16 maj 2021 Në ora: 13:51
​Bundesliga gjermane, derbi mes RB Leipzig e Wolfsburg

Të dy skuadrat i ndanë vetëm një vend dhe katër pikë në tabelë.

Bundesliga gjermane do të vazhdojë sot me xhiron e 33, ku në programin e ditës së sotme parashihen të zhvillohen dy ndeshje interesante, përcjell KosovaPress.

Fillimisht, ndeshja hapëse për sot do të jetë mes Mainz dhe Dortmund, ku ky i fundit do të vazhdoj garën për të mbetur në Top 4.

Në anën tjetër, me fillim nga ora 20:30 do të kemi mundësinë që të ndjekim derbin mes RB Leipzig dhe Wolfsburg, ku të dy skuadrat i ndanë vetëm një vend dhe katër pikë në tabelë.

Bayern Munich veçse është shpallur kampion i këtij sezoni në Bundesligë, ku pas 33 ndeshjeve ka arkëtuar 75 pikë, 11 sosh më shumë se vendi i dytë RB Leipzigu, kurse Top 4 e mbyllin Wolfsburgu me 60 pikë dhe Dortmundi me 58 sosh.

Rënien nga Bundesliga e ka konfirmuar vetëm skuadra e Schalkes, ndërsa Werder Bremeni dhe Koln do të vazhdojnë luftën për mbijetesë, ku Werderi i Milot Rashicës gjendet në pozitën e 16 me 31 pikë, një më shume se Koln që zë vendin e 17.

Programi i plotë i ndeshjeve të sotme në Bundesligë vijon si më poshtë:

18:00 Mainz (13) – Dortmund (4) (Stadiumi Opel Arena)

20:30 RB Leipzig (2) – Wolfsburg (3) (Stadiumi Red Bull Arena)

commentFirst article
Sot mund të lexoni Shfletoni kopertinat