Trajneri i Kombëtares, Edi Reja ka folur për grupin e Shqipërisë për kualifikueset e Botërorit, të cilin e quan si një grup shumë të fortë. Në një intervistë të dhënë për “Il Mattino”, Reja ka folur edhe për të ardhmen e tij, duke thënë se ka rënë dakord me drejtuesit e Federatës, që të kenë takim çdo 6 muaj për të sqaruar të ardhmen.
“Hysaj bën mirë edhe në krahun e majtë edhe në të djathtin. Te Shqipëria ime me 5 mbrojtës, është një nga lojtarët kryesorë. Nuk e di nëse do të qëndrojë apo jo te Napoli, shpresoj të ndodhë kjo. Shqipëria ka një grup të fortë për kualifikueset e Botërorit.
Përveç Anglisë, janë edhe Polonia me Hungarinë.
E ardhmja te Shqipëria? Ne bëmë shumë mirë në Ligën e Kombeve dhe të gjithë janë të lumtur për arritjen e Kombëtares. Unë i kam thënë drejtueseve që të takohemi çdo 6 muaj dhe do të flasim për të ardhmen time. Gjithashtu një vit në moshën time, peshon si 10 vite mbi supe”, tha Reja.
