Koeman: Messi mbetet më i miri, shpresoj të qëndrojë akoma te Barça

Futboll

Koeman: Messi mbetet më i miri, shpresoj të qëndrojë akoma te Barça

Më: 17 maj 2021 Në ora: 21:24
Koeman: Messi mbetet më i miri, shpresoj të qëndrojë akoma te Barça

Barcelona humbi me rezultatin 1-2 në shtëpi ndaj Celta Vigos, duke dalë përfundimisht nga gara për titullin kampion, ndërsa ky takim mund të ketë qenë i fundit për Lionel Messin në “Camp Nou”, pasi argjentinasit i përfundon kontrata në qershor dhe deri tani nuk ka sinjale për rinovimin e saj.

Në përfundim të sfidës, trajneri Ronald Koeman foli edhe për 6 herë fituesin e Topit të Artë, duke thënë se shpreson që Messi të rinovojë me Barcelonë, pasi mbetet ende futbollisti më i mirë në botë.

“Shpresojmë që të mos ketë qenë ndeshja e fundit e Messit në “Camp Nou”, sepse ai mbetet më i miri në botë dhe e tregoi këtë edhe sot. Ia ka dalë të shënojë 30 gola në sezon dhe është shumë e vështirë të luajmë pa të. Gjithsesi për të ardhmen duhet të pyesni vetë Messin, pasi sa më përket mua dhe klubit, duam shumë që ai të vazhdojë”, deklaroi Koeman.

Ylli argjentinas provoi të largohej nga klubi katalan verën e kaluar, pas problemeve të shumta me ish presidentin Josep Bartomeu, por pikërisht ky i fundit bllokoi gjithçka, duke kërkuar respektimin e kontratës.

Tani në krye të klubit “blaugrana” është rikthyer Joan Laporta, i cili po punon për të bindur Messin të firmosë rinovimin e kontratës, një mision ky aspak i lehtë, pasi Barcelona ka vështirësi ekonomike dhe zor se mund t’i japë një ofertë konkurruese argjentinasit.

Shfaq komentet
comments powered by Disqus
Sot mund të lexoni Shfletoni kopertinat