Juventusi e ka shpalosur fanellën e re për sezonin 2021/22, me të cilën do t’i zhvillojë ndeshjet si vendas.
Bardhezinjtë do t’i veshin fanellat e reja qysh të mërkurën, në finale të Kupës së Italisë kundër Atalantës.
Juve e bëri publike fanellën e parë Adidas për sezonin e ri, e frymëzuar nga stadiumi Allianz.
Ajo do t’i ketë vijat klasike me një ndryshim modern dhe me mbishkrimin “10 vjet në shtëpi”, për ta kujtuar përvjetorin e inaugurimit të stadiumit të klubit.
Juve do të luajë me fanellat e reja kundër Atalantës në finale të Kupës së Italisë nesër dhe kundër Bolognas në ditën e fundit të sezonit më 23 maj.
