Agjenti i Lautaro Martinez ka konfirmuar se ai ka refuzuar ofertën më të fundit të zgjatjes së kontratës nga Interi.
Marrëveshja aktuale e argjentinasit skadon në qershor të vitit 2023, kështu që natyrshëm “Nerazzurët” janë të etur për zgjatjen e saj për të bllokuar talentin e tyre të vlefshëm, ose të sjellin sa më shumë para nga shitja e tij.
Ekziston një klauzolë lirimi në kontratën e tij prej 111 milionë eurove, megjithëse besohet se Interi do ta linte të largohej për 90 milionë euro.
"Kjo është shumë e tepërt", tha agjenti Alejandro Camano për gazetën katalanase Sport.
"Të gjithë kanë çmimin e tyre, dhe megjithëse Interi nuk po flet për një shitje, ne duhet të shohim ndërsa afati i transferimeve vazhdon se cila është situata në klub.”, tha fillimisht agjenti.
"Ata na ofruan një rinovim, por ne u thamë atyre se tani për tani ne jemi të lumtur siç jemi."
Reprezentuesi argjentinas kishte qenë shumë pranë bashkimit me Barcelonën verën e kaluar para se të dështonin negociatat.
"Kush nuk do të donte të luante për Barcelonën? Është një nga klubet më të mëdha në botë, ”vazhdoi agjenti.
"Ne jemi të relaksuar, duhet të zgjidhim situatën me Interin së pari, por padyshim që ai do ta donte atë. Askush nga Barcelona nuk më ka thirrur, kështu që ne nuk jemi duke menduar për këtë.
"Lojtari është i gatshëm për çdo sfidë, ai nuk mund të injorohet dhe është i përgatitur të marrë përsipër çdo përgjegjësi. Nuk e di se çfarë ndodhi vitin e kaluar, pasi më thanë se ish-agjenti i tij kishte folur me Barçën, por situata ishte mjaft e pa qartë.”
"Ajo që duhet të bëjmë tani është të kuptojmë projektin e Interit dhe të dëgjojmë ofertat që vijnë. Ne jemi të lumtur siç jemi, atëherë do të shohim.", përfundoi ai.
