Kampioni anglez nuk dëshiron ta shesë mesfushorin gjerman.
Manchester City nuk e ka në plan ta shesë mesfushorin Ilkay Gundogan, pavarësisht se është duke u spekuluar e kundërta, raporton “Sky Sports”.
Spekulime të shumta janë duke qarkulluar nëpër media sot që Gundogan kishte pezulluar bisedimet me Cityn për një marrëveshje të re, për shkak të interesimit nga Barcelona, dhe se kampioni anglez do ta konsideronte shitjen e tij për të krijuar fonde të reja këtë verë, përcjell KosovaPress.
Sidoqoftë, City nuk do ta konsiderojë shitjen e 30-vjeçarit këtë verë dhe krerët e klubit anglez janë të lumtur me situatën aktuale të kontratës së tij, ku ende nuk janë planifikuar bisedime mbi një marrëveshje të re.
