Marrëdhënia e modeles, Oriola Marashi dhe futbollistit, Eros Grezda është shoqëruar me ulje dhe ngritje.
Vetëm pak javë u përfolën për ndarje, por mesa duket çifti e kanë gjetur sërish rrugën për tek njëri-tjetri.
Dyshimet se modelja dhe futbollisti i Kombëtares janë bashkë, u nxitën pasi ata nisën të ndiqen sërish në rrjetet sociale.
Dhe lajmet duket se i ka konfirmuar edhe Eros Grezda. I ftuar në “Jashtë Loje”, ai pranoi se mes tij dhe Oriola Marashit gjithçka është në rregull dhe se është “shumë mirë nga ana sentimentale.
“Je mirë nga ana sentimentale?”- u pyet futbollisti.
“Pse dukem keq? (qesh) Nga ana sentimentale jam shumë mirë. Gjithçka është në rregull,”- u përgjigj Grezda.
Rreth një muaj më parë, çifti fshinë njëri-tjetrin nga Instagram dhe u raportua se i dhanë fund fejesës së tyre.
Arsyeja e ndarjes u tha se ishin distanca dhe keqkuptimet për shkak të largësisë, duke qenë se Oriola nuk dëshironte t’i jepte fund karrierës si modele. Panoramaplus.al.
