Huggel çuditë me deklaratë për Xhakën

Futboll

Huggel çuditë me deklaratë për Xhakën

Më: 16 qershor 2021 Në ora: 13:12
Huggel çuditë me deklaratë për Xhakën

Granit Xhaka e ndan opinionin në Zvicër për shkak të karakterit dhe sjellëve të tij brenda dhe jashtë fushës, por ai mbetet lojtari më i rëndësishëm në ekipin kombëtar helvetik, thotë ish-bashkëlojtari i tij dhe ish-përfaqësuesi i Zvicrës, Benjamin Huggel.

Huggel thotë se mesfushori nga Kosova pranohet në çdo vend në Zvicër por nuk dashurohet gjithandej.

Huggel, i cili është 15 vjet më i vjetër se Xhaka, ishte partner i mesfushorit nga Kosova në fillim të karrierës së tij në Basel.  Ai e quan Xhakën lider të lindur natyral.

 “Qysh nga fillimi, ai ka pasur vetëbesim në lojën e vet dhe në përgjithësi. Kjo gjë nuk iu pëlqen zviceranëve. Këtu, çdo gjithçka bazohet në të qenit natyral, person normal. Zviceranëve nuk iu pëlqen të thonë se ne kemi numër një”, tha Huggel.

Xhaka u kritikua dje nga gazeta më e madhe zviceran, Blick, për lyerjen e flokëve pas barazimit me Uellsin në ndeshjen hapëse të Euro 2020.

Ai shtoi: “Nuk ka qenë dashuri në shikim të parë mes Xhakës dhe Zvicrës. Megjithatë, dashuria është rritur me kalimin e viteve. Në Zvicër, ai pranohet kudo, por nuk dashurohet kudo”.

“Është e qartë se ne kemi nevojë për të. Ai është lojtari që e bën dallimin. Nëse ai luan mirë, Zvicra luan mirë. Ai është lojtari më i rëndësishëm”, shtoi ai.

commentFirst article
Sot mund të lexoni Shfletoni kopertinat