Kush do të jetë kapiten i Realit?

Futboll

Kush do të jetë kapiten i Realit?

Më: 17 qershor 2021 Në ora: 23:17
Kush do të jetë kapiten i Realit?

Sergio Ramos u largua pas 16 viteve te Real Madrid, që duhet të zgjedhë kapitenin e ri të ekipit.

Për momentin vetëm tre lojtarë spanjollë janë në dispozicion të Carlo Ancelottit: Nacho, Lucas Vasquez dhe Marco Asensio.

Asnjëri prej tyre nuk do të zgjidhet kapiteni i ri. Marcelo është lojtari më jetëgjatë në skuadër (prej vitit 2007) dhe do të jetë lideri i rekordmenëve të Champions League. Në momentin që mbrojtësi brazilin nuk luan, shiriti do t’i kalojë Karim Benzemas dhe kur as ky i fundit nuk luan, shiriti do t’i kalojë Varanit.

Një gjë e tillë nuk ka ndodh prej plot 104 vitesh. Gjatë gjithë kësaj kohe, kapiteni i Real Madrid ka qenë spanjoll, rregull që do të ndryshojë duke nisur nga sezoni i ardhshëm.

Mbrojtësi 36-vjeçar, i cili ishte kapiten i Real Madridi për shumë vite, mbajti një konferencë të lamtumirës të enjten bashkë me presidentin e klubit Florentino Perez, ku shpjegoi edhe arsyet e largimit habitës.

Ramosi shpjegoi se mënyra sesi rrodhën bisedimet me Real Madridin, duke e bërë të qartë se ai nuk kishte dashur të largohej.

“Kanë ndodhur shumë gjëra, rrethana që ndodhin në jetë. Gjëja e parë që dua ta them është se unë nuk kam dashur kurrë të largohem nga Real Madridi, gjithmonë kam dashur të qëndrojë”, shpjegoi ai.

“Në muajt e fundit, klubi ma bëri një ofertë njëvjeçare, me ulje page. Paraja nuk ishte kurrë problem, presidenti e dinte se unë do ta bëja të qartë se nuk ishte çështje ekonomike. Problemi ishte vitet e ofruara; ata ma ofruan një vit ndërsa unë doja dy vite. Ishte për stabilitetin e familjes sime”, tregoi ai.

“Në bisedimet e fundit iu thashë se do ta pranoja ofertën dhe ata më thanë se nuk kishte më ofertë. Më thanë se, edhe pse unë u pajtova me ofertën e fundit, ajo nuk ishte më në tavolinë. Më thanë se oferta kishte datë skadimi por unë s’e dija për këtë”, përfundoi ai.

Shfaq komentet
comments powered by Disqus
Sot mund të lexoni Shfletoni kopertinat