Ky emri i Xherdan Shaqirit sa i frikshëm është për Serbinë, ende e kujtojnë nokautin e 22 qershorit të vitit 2018, kur goli i shqiptarit nga Kosova, e rrëzoi Serbinë në Kaliningrad të Rusisë. Zvicra pati fituar me rezultat 2:1, duke eliminuar Serbinë nga Kampionati Botëror.
Disa media e quajnë merimanga vrasëse e disa bombë dhe disa provokator.
“Kurir” një medium serb, nga inati i madh, shkruan me cinizëm, duke e quajtur Shaqirin provokator pas fitores së Zvicrës me rezultat 3:1 ndaj Turqisë, në ndeshjen e xhiros së tretë të grupit A të Kampionatit Evropian.
Ky medium përmend rastin e minutës së 28-të, kur Shaqiri nuk shënoi, sipas tyre u turpërua!
“Është e pabesueshme që provokatori shqiptar çfarë humbi kundër Turqisë!
Në qendër të vëmendjes ishte Xherdan Shaqiri, i cili shënoi dy gola, por ishte në siklet siç duket kur humbi një rast në pjesën e parë.
Zvicerani i kombësisë shqiptare doli përball me portierin, ai gjithashtu e kishte Zuber të vetmuar në anën e majtë, por ai donte të përfundonte aksionin dhe Cakir e mbrojti atë
Sidoqoftë, zvicerani e shpagoi veten duke shënuar dy gola në fitoren e ekipit të tij”, shkruan “Kurir”.
Nga ana tjetër “Informer” shkruan: “Turqit paketojnë valixhet, Shaqiri i demolon”.
“Telegraf. rs” shkruan kësisoj: “Merimanga vrasëse" nga Gjilani, Shaqiri shënoi një nga golat më të bukur në Euro 2020.
“Nova .rs” shkruan: “Bombat e Shaqirit i sjellë zviceranët një hap më afër fazës së tetës (16-ës) së finales”.
