Sergio Ramos nuk do të jetë më një lojtar i Real Madrid.
Një ndarje që ka befasuar Toni Kroos.
“Nuk e njoh Real-in pa Ramos. Prisja që të qëndronte, mendoja se do ta mbyllte karrierën te Real-i”, ka thënë gjermani në podcast-in e vëllait ‘Einfach mal Luppen’.
“Ramos nuk është vetëm një futbollist i madh, është kapiteni më m irë që kam patur sepse ka luftuar gjithmonë për skuadrën brenda dhe jashtë fushës”, ka vazhduar Kroos.
“Nëse do të pyesja 100 sulmues kundërshtarë se cilin mbrojtës nuk duan të kenë përballë, emri i Ramos do të përmendej shpesh. Jam i sigurt se do ta shohim përsëri në Madrid".
