Eneo Bitri është zyrtarizuar ditën e sotme si futbollisti më i ri i klubit Astana në Kazakistan.
Mbrojtësi pasi mbylli aventurën me Partizanin, tashmë kërkon të tregojë veten në një kampionat më të fortë për të bërë para në karrierë.
Në fjalët e para për Astanën, Bitri thekson se kërkon të ndihmojë ekipin të arrijë të gjitha objektivat sezonalë, që në rastin e Astanës janë maksimalë.
“Jam shumë i lumtur që jam këtu. Astana është një klub i madh dhe dua të fitoj çdo ndeshje së bashku me ekipin.
Shpresoj të ndihmoj skuadrën të arrijë të gjitha objektivat këtë sezon dhe të jemi skuadra më e mirë në Kazakistan.
Kam dëgjuar shumë për klubin dhe qytetin. Më pëlqen Nur-Sultan, një qytet me të vërtetë modern dhe i bukur. Shpresoj ta njoh qytetin sa më shpejt nga afër”, shprehet Bitri.
