Edhe para se të përballej me “Euro 2020” si protagonist i Italisë, Jorginho u “diplomua” si kampion Europe me Chelsea. E ardhmja e mesfushorit është gjithmonë temë diskutimi, sidomos në kohë merkatoje, siç shpjegohet nga agjenti i tij, Joao Santos, në “Radio Kiss Kiss”:
“Jorginho tani është pikë e fortë e Italisë. Para Europianit ai fitoi Ligën e Kampionëve.
A mund të kthehet në Serie A? Qëllimi është që të përfundojë kontratën me Chelsea.
Pastaj, nëse nuk rinovon atje, do të donte të kthehej në Itali, mbase edhe te Napoli”.
Disa fjalë edhe për shkëlqimin e kombëtares së drejtuar nga Mancini: “Unë shoh të njëjtat lëvizje, të njëjtën mënyrë loje si Napoli i Sarrit”.
