Janë përmbyllur ditën e sotme ndeshjet e dyta të vlefshme për grupmoshën U-13, në kuadër të Turneut të Përfaqësueseve Rajonale që po zhvillohet në Kamëz dhe Fier.
Finalisti i parë i kësaj moshe, Lezha, u përcaktua nga ndeshjet e zhvilluara ditën e hënë në Qendrën Stërvitore të Ekipeve Kombëtare në Kamëz, ndërkohë që do të përballet me Korçën, që fitoi sot në sfidat e zhvilluara në aneksin e stadiumit “Loni Papuçiu” në Fier.
Në ndeshjen e parë, Elbasani barazoi 0-0 me Fierin, ku penalltitë përcaktuan fituesin e kësaj sfide. Elbasanllinjtë u treguan më të saktë, duke fituar me rezultatin 5-4 me penallti. Ndërkaq, në sfidën tjetër, Korça mundi me shifrat 2-1 Gjirokastrën, duke u përballur kështu në ndeshjen e radhës për vendin e parë me Elbasanin. Juglindorët e mbyllën ndeshjen shumë shpejt, duke fituar me rezultatin 2-0. Në ndeshjen për vendin e tretë dhe të katërt, mes Fierit dhe Gjirokastrës, ishin fierakët ata të cilët fituan falë 11 metërshave.
Finalja e kësaj grupmoshe do të zhvillohet ditën e enjte, më 1 korrik, në stadiumin “Elbasan Arena”.
Ky turne, që zhvillohet çdo vit, ka si synim evidentimin e talenteve të reja që janë pjesë e kampionateve rajonale të organizuara nga FSHF-ja si dhe vëzhgimin e tyre nga stafi i ekipeve Kombëtare në FSHF.
U-13 dt. 2009: Fier, Elbasan, Durrës, Gjirokastër
Dt. 29.06.2021 (E martë)
Fieri – Elbasani 0-0 (4-5 me penallti)
Aneksi i stadiumit “Loni Papuçiu” Fier
Korçë– Gjirokastër 2-1
Aneksi i stadiumit “Loni Papuçiu”, Fier
Ndeshja finale dhe ndeshja për vendin e 3-të & të 4-t
Korça VS Elbasani 2-0
Aneksi i stadiumit “Loni Papuçiu”, Fier
Fieri – Gjirokastër 2-2 (5-4 me penallti)
Aneksi i stadiumit “Loni Papuçiu”, Fier
Finalja
Korça – Lezha, 1 korrik, ora 17:00, “Elbasan Arena”.
