Pasi eliminoi Francën, Kombëtaren e Zvicrës e pret sërisht një punë e vështirë në Kampionatin Evropian.
Në fazën çerekfinale të “Euro 2020”, të përzgjedhurit e Vladimir Petkoviçit do të takohen me Spanjën.
Nga 22 përballjet paraprake, Spanja ka shënuar fitore në 16-të prej tyre, pesë kanë përfunduar baras, kurse Zvicra ka fituar vetëm një.
Vlen të theksohet se kjo do të jetë hera e parë që Zvicra dhe Spanja do të takohen në një Kampionat Evropian.
Ndeshja Zvicër – Spanjë zhvillohet nesër (e premte) nga ora 18:00 në “Saint Petersburg Stadium”.