Presidenti i Lazios, Claudio Lotito, ka konfirmuar se e gjithë skuadra e ka marrë dozën e parë të vaksinës kundër COVID-19.
Më herët u raportua se katër ose pesë lojtarë të kësaj skuadre po refuzonin që ta merrnin vaksinën.
Mirëpo këtë mëngjes të gjithë lojtarët ndërprenë stërvitjen për të marrë vaksinën në kampin e tyre veror Auronzo di Cadore.
“Lazio ndjeu nevojën për të dërguar një sinjal dhe për të dhënë shembull qytetar duke respektuar rregullat dhe mbi të gjitha shëndetin e sportistëve tanë dhe të gjithë atyre që kanë kontakt me skuadrën dhe stafin”, tha Lotito për Lazio Style Channel.
