Latifi: Arsyeja kryesore përse zgjodha Vllazninë

Futboll

Latifi: Arsyeja kryesore përse zgjodha Vllazninë

Më: 28 korrik 2021 Në ora: 13:08
Latifi: Arsyeja kryesore përse zgjodha Vllazninë

Në vigjilje të ndeshjes së kthimit ndaj AEL Limasol, e  vlefshme për raundin e dytë të Ligës së Konferencës, nesër në orën 21:00 në stadiumin “Loro Boriçi”, ka folur në konferencën e zakonshme për shtyp përpara ndeshjes përkrah trajnerit të Vllaznisë Thomas Brdariç, sulmuesi anësor Liridon Latifi i cili ka analizuar këtë takim, shkruan panoramasport.

Kupat e Europës – “Kupat e Europës janë gjithmonë motivim shtesë për lojtarin. Po e shijoj mirë, shpresoj që të vazhdojë ky ritëm me fitore dhe duke kaluar këtë raund, që do të jetë shumë i rëndësishëm për ne.”

Kualifikimi – “AEL është i kalueshëm, por duhet të jemi shumë të përqendruar. Shpresoj të jemi në ditën tonë më të mirë, sepse ata janë një ekip me lojtarë individualistë shumë të mirë, mund të na dënojnë shumë lehtë. Ne jemi një grup shumë i fortë, kemi një staf shumë të mirë. Shpresoj t’ia arrijmë qëllimeve tonë dhe ashtu si e ka përgatitur trajneri taktikisht, të ecë ndeshja.”

Dëmtimet – “Kemi pasur probleme atje. Jo vetëm unë, por edhe 3-4 lojtarë të tjerë. Besoj se të gjithë janë mirë, sepse ka kaluar një javë. Besoj se të gjithë do të jemi në rregull dhe të gatshëm për ndeshje.”

Këshilla për shokët – “Kam biseduar me shumë lojtarë, jam munduar të jap sadopak eksperiencën që kam. Duhet të jemi shumë të përqendruar dhe me një komunikim mjaft të lartë, shumë më të lartë se në kampionatin shqiptar.

Zgjedhja për Vllazninë – “Ishin bindjet e presidentit, por një nga arsyet kryesore ishte edhe trajneri, i cili ka një eksperiencë të jashtëzakonshme në futbollin evropian, siç e dinë të gjithë.”

Ndeshja ndaj AEL-it – “Shpresoj ta mbarojmë pa kohë shtesë. Ne duhet të shënojmë dy gola, por nuk i dihet. Edhe nëse shkojmë në shtesa, do të japim maksimumin për t’u kualifikuar.”

Goli – “Shpresoj ta gjej rrugën e golit. Do të jetë shumë mirë për mua, por edhe për gjithë skuadrën“, përfundoi sulmuesi anësor i skuadrës shkodrane”, përfundoi Liridon Latifi.

Shfaq komentet
comments powered by Disqus
Sot mund të lexoni Shfletoni kopertinat