Edin Dzeko u largua drejt Interit dhe Roma do ta zëvendësojë 35-vjeçarin boshnjak me Tammy Abraham.
Klubi italian ka arritur akordin me agjentin e sulmuesin anglez.
Edhe marrëveshja me Chelsea në lidhje me kartonin e 23-vjeçarit është arritur. Roma do të shpenzojë 40 milion euro dhe pagesa do të kryhet me këste.
Abraham ka pranuar transferimin në Serie A dhe sot pritet në kryeqytetin italian, teksa do të firmosë kontratën me klubin verdhekuq menjëherë sapo të ketë kryer kontrollet mjekësore.
Në akordin mes klubeve është vendosur një klauzolë që i lejon Chelsea të riblejë sulmuesin për 80 milion euro, duke filluar nga 2023.
