Skuadra e kërkon Ronaldon me topa të gjatë

Futboll

Skuadra e kërkon Ronaldon me topa të gjatë

Më: 16 shtator 2021 Në ora: 12:59
Skuadra e kërkon Ronaldon me topa të gjatë

Dymbëdhjetë vjet e disa muaj më vonë, Cristiano Ronaldo e sheh veten në Ligën e Kampionëve me fanellën e United.

Dhe fillimi është i hidhur. Jo aq shumë për performancën e tij, por për rezultatin përfundimtar ndaj Young Boys dhe për mënyrën se si erdhi.

Ronaldo bëri pjesën e tij. Gol që i dha avantazhin “Djajve të Kuq”, me një goditje brenda zonës, ku rol pati edhe portieri kundërshtar.

Pas golit në minutën e 13, goditja tjetër e radhës e United vjen në minutën e 25. Dhjetë minuta më vonë, mbrojtësi Wan-Bissaka u ndëshkua me karton të kuq.

Solskjaer reagon duke hequr anësorin Sancho për një mbrojtës që zëvendëson në kokë të ndëshkuarin me karton. Më pas zëvendëson Van de Beek me Varane duke e kthyer mbrojtjen me 3.

Nga ai moment bëhet një rreshtim 5-3-1, me Pogba dhe Bruno Fernandes, të cilët normalisht duhet të mbanin lidhjet me Ronaldon, por u “shtypën” në vijën mbrojtëse.

Young Boys rrethon portën e mbrojtur nga De Gea, duke goditur gati 20 herë dhe Ronaldo mbetet i izoluar.

Skuadra e kërkon atë me topa të gjatë, por ai prek pak prej tyre. Dhe duke mos qenë në gjendje të avancojë përpara ai vetëm mbron topin, duke u përpjekur të marrë ekipin mbrapa  dhe të marrë frymë.

Përveç një penalltie të prentenduar të cilën gjyqtari i anashkaloi, kontributi i CR7 në sulm ishte ky. Në minutën e 72, Solskjaer pas barazimit, zëvendëson ish-lojtarin e Juventusit dhe fut një tjetër sulmues si Lingard, i cili më pas do të jetë autori i një pasimi të gabuar që do ti shkaktonte humbjen skuadrës së tij.

Me pak fjalë, një garë që ngre probleme të vjetra rreth Ronaldos. Natyrisht ai është gjithashtu i gatshëm të sakrifikojë veten. Por është pak e dobishme nëse nuk ka stafin e duhur dhe qasjen e duhur rreth tij. Dhe nuk është për t’u habitur, shtypi rezervoi kritikat kryesore për teknikun Solskjaer.

Kalimi  në mbrojtje i 3 lojtarëve dukej shumë i pakuptimtë, ndërsa përdorimi i Van de Beek në një rol që nuk ishte i tij la shumë ngatërresa. Të cilat padyshim që hapin reflektime edhe për Ronaldon dhe nëse do ta mbajnë apo jo në fushë edhe kur gjërat nuk shkojnë mirë.

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat