Thomas Tuchel ka zbuluar se ai priste që sulmuesi i Tottenham të bashkohej me Manchester City gjatë verës.
Harry Kane donte të largohej nga Spurs gjatë afatit kalimtar të verës, por Manchester City nuk ishte në gjendje të arrinte një marrëveshje mbi një tarifë transferimi.
Thomas Tuchel ka pranuar se priste që sulmuesi i Tottenham, Harry Kane të bashkohej me Manchester City gjatë verës.
Kampionët e Premier League, City ishin të pasuksesshëm në përpjekjet e tyre për të nënshkruar me Kane, i cili njoftoi në maj dëshirën e tij për të lënë Spurs.
Trajneri i Chelseat, Tuchel zbuloi se Kane – fituesi i Këpucës së Artë të sezonit të kaluar – nuk u konsiderua seriozisht si një objektiv i mundshëm pasi fituesit e Ligës së Kampionëve në vend të kësaj nënshkruan Romelu Lukaku në një marrëveshje rekord klubi prej 97.5 milionë funte.
I pyetur në lidhje me ndjekjen e City nga Kane, Tuchel u përgjigj: “Mendova se kjo do të ndodhte.
“Ne kurrë nuk kishim një listë me emrin e tij dhe unë kurrë nuk shkova tek (drejtori i Chelsea) Marina (Granovskaia) për t’i thënë asaj që ta blinte".
“Por klubi e rregulloi situatën. Ka shumë njerëz rreth lojtarëve, agjentët dhe këshilltarët e tyre dhe njerëz në mes dhe ne kishim disa informacione nga këta njerëz".
“Por nuk ishte kurrë aq afër sa duhej të përjetonim rivalitetin (midis Tottenham dhe Chelsea). Ne e dimë për rivalitetin, por unë kisha një ndjenjë se nuk ishte kurrë aq larg”, përfundoi Tuchel.
