Lindon Selahi po rigjen formën e mirë

Futboll

Lindon Selahi po rigjen formën e mirë

Më: 26 shtator 2021 Në ora: 23:12
Lindon Selahi po rigjen formën e mirë

Një tjetër lojtar i Kombëtares shqiptare ka gjetur rrugë e rrjetës këtë fundjavë. Pas Nedim Bajramit, i cili ka shënuar golin e dytë me Empolin në Serinë A italiane, këtë të diel shijen e golit e ka provuar edhe Lindon Selahi.

Mesfushori kuqezi ka shënuar për herë të parë në kampionatin kroat me ekipin e Rijekës, ku u transferua gjatë merkatos së verës.

Selahi realizoi në minutën e 46-të të ndeshjes Gorica-Rijeka, pas një aksioni mjaft të bukur sapo kishte nisur pjesa e dytë, duke shënuar me një gjuajte me të djathtën në zonë dhe duke barazuar shifrat përkohësisht në 2:2.

Mund të quhet një farë “derbi” kuqezi në kampionatin kroat pasi në radhët e Goricës aktivizohet edhe Albi Doka, i cili ashtu si edhe Selahi, e kishte nisur si titullar sfidën.

Në minutën e 71-të Doka është zëvendësuar, teksa edhe Selahi gjithashtu u zëvendësua në minutën e 80-të. Ndeshja përfundoi me fitoren 4-3 të Rijekës, që golin e fitores e shënoi në minutat shtesë.

22-vjeçari shqiptar duket se po rigjen formën e mirë pas transferimit në kampionat kroat, ku ka gjetur hapësira dhe ka luajtur rregullisht këtë sezon. Lajm pozitiv për mesfushën e Kombëtares që ka vërtetë nevojë për lojtarë në formë në këtë fazë të rëndësishme të eliminatoreve të Botërorit “Katar 2022”.

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat