Sonte zhvillohet super derbi në La Liga.
Atletico Madrid do të përballet me Barcelonën sonte nga ora 21:00.
Pas shtatë xhirove të para ‘Madrilenët’ zënë vendin e katërt në La Liga me 14 pikë, ndërsa ‘Blaugranët’ kanë 12 pikë në pozitën e shtatë.
Ekipi i Ronald Koeman në këtë ndeshje do të jetë pa futbollistë si Pedri, Ousmane Debele, Sergio Aguero e Martin Braithwaite shkaku i lëndimeve, ndërsa te Atletico do të mungojë vetëm Matheus Cunha.
Në pesë përballjet e fundit mes këtyre dy gjigantëve, skuadra e Diego Simeones ka fituar tri, ndërsa dy ndeshje kanë përfunduar baras.
Edhe në këtë ndeshje Atletico Madrid llogaritet favorit shkaku i formës së dobët që po kalojnë Blaugranët, megjithatë pritet të jetë një përballje e zjarrtë duke marr parasysh rivalitet që kanë këto dy skuadra.
Formacioni i mundshëm i Atletico Madridit: Oblak; Llorente, Savic, Felipe, Lodi; Koke, Kondogbia, De Paul, Carrasco; Suarez, Felix
Formacioni i mundshëm i Barcelonës: Ter Stegen; Dest, Pique, Araujo, Alba; F de Jong, Busquets, Roberto; Memphis, L de Jong, Coutinho