Barcelona është e qartë se do të jetë e nevojshme të përforcohet skuadra gjatë tregut të ardhshëm dimëror dhe një nga emrat që pritet të zbarkojë në Camp Nou është Dani Olmo.
Spanjolli ka një marrëveshje që nga vera e kaluar, pasi ra dakord për nënshkrimin me klubin katalas por Leipzig e parandaloi operacionin duke e konsideruar të pamjaftueshme ofertën e Barcelonës.
Olmo po pret me padurim janarin për të përmbushur ëndrrën e tij për t’u kthyer në Spanjë e për të veshur fanellën e Barçës.
Barcelona do t’i ofrojë klubit gjerman 50 milion euro për kalimin e lojtarit me të cilin do të nënshkruajë për 4 sezone e gjysmë. Synimi i katalanasve është të paguajë 10 milion euro në janar dhe pjesa tjetër në fund të sezonit.
